नेपाली कांग्रेसको १५औं महाधिवेशनको नतिजा सार्वजनिक भएको छ। काठमाडौं पोस्टका अनुसार गगन थापा ९४ प्रतिशत मतसहित सभापति बनेका छन्। खुला उपसभापतिमा चन्द्रकान्त भण्डारीले ३,७३५ र मधु आचार्यले २,३४२ मत पाएर विजयी भए। समावेशी वर्गतर्फ विनोदकुमार चौधरीले १,७४५ मतसहित जीवन परियारलाई ८७ मतले पछि पारे। महामन्त्रीमा खुलातर्फ प्रदीप पौडेलले ४,१९४ मतसहित पहिलो स्थान हासिल गरे। उदयशमशेर राणाले २,३३० मत ल्याएर सुनिलकुमार शर्मालाई ७३ मतको अन्तरले जिते। महिला कोटामा दिला संग्रौलाले ३,११८ मत ल्याएर महालक्ष्मी उपाध्यायलाई २५४ मतले हराइन्। संग्रौला कांग्रेसको इतिहासमै पहिलो महिला महामन्त्री बनेकी छन्। पौडेल, राणा र संग्रौला पहिले देउवा खेमामा चिनिएका थिए तर पछि थापा नेतृत्वको प्रक्रियामा जोडिएका थिए। यसअघि मतगणना डिजिटल रूपमा प्रविष्ट गर्न माग गर्दै केही समय रोकिएको थियो।